((اربعة في سته))

ثلاث سنين وانا اخطط لهذا اليوم يابو سعود
تيسر حالي وجاهز اوفي وعدي بوقته
وفجأه جتني تتعذر تقول تأخرت الوعود
وانا مستغرب واسمع كأني وعدها خنته
حسبت انها تمازحني وتتصنع جفى وصدود
ضحكت بوجهها من قلب مع انها بايخه النكته
وقالت ارضى بالواقع قلب ماهو لمعهود
تغير كل شي صوبك نصيبي مااضن انته
كنت بيوم محبوبي ولاكن مااضن انعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعقود
ترى ماخنتك بغفله ولا كلمته وشفته
صراحه اهلي قالولي بأنه ولد اصل وجود
وجتني امه بالصوره وبكلمات المدح اخته
سكت وقلت لي فرصه مدام الجود في الموجود
وقالوا كل من حولي علامات الرضى سكته
وانا فكرة دام امه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام انه الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق واعتذر باكر واقول الراي غيرته
تبي تشرحلي المنقود تصدق عاد يابو سعود
تبيني اقتنع وارضى بحالن عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعن الموت جربته
عسى ابفستانها اشواك وفي ثوبه عقارب سود
ونار تحرق الكوشه وتحرق بيتكم حته
وموتٍ بليلة الدخله يبرد حرتي ياكود
ولا احس انها بحضنه يلامس خد لامسته
علي اهون اذا ماتو ولا بنفس السرير ارقود
ترى صعبن علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات تلوع كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردت فعل والله ابشري بردود
بدعي دامني حي وبغرس للدعى نبته
وبسقيها نزيف القلب ودمعن مارحم الخدود
وتكبر والثمر ثاري من اللي خانني وصنته
انا نذرن علي اكتب وفًجر هالقصيد ارعود
وأسمع كل بشر صوتي عجبته ولازعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صوره بكل برود
خذت مني شقى عمري وحلمن قلت حققته
ثلاث سنين انا اخطط لهذا اليوم يابو سعود
وتوافق من كلام اخته وصوره اربعه بسته

ماذا عسأي ان انطق بعد ماقرأت ؟؟!!
أأنطق تأثيرهــــا ؟؟!!
أم صدقـ ملامستهــــــا لشعور القارئ
لكـ ان تتخيلـ المعاناه اللذي مر بها هذا الكاتب ليكتب مثل هالكلام العذب اللي خرج من نزيف قلب محب

هذا الشعر سمعته من زمان واثر فيني وحبيت اكتبه لكم واخذ رايكم فيه؟؟
تحياتي..
اختكم miss-wanasah