[align=center]
مرحبا أعضــاء سرسر

اول مره اشارك معكم بقسم الحوار الجاد واللي أعجبني انه هذا

القسم خاص للمواضيع الغير منقوله بنقاشكم عن الثقة بالنفس

من خلال أحتكاكنا بالناس وتعاملنا معهم يومياً سواء كنا طلاب مدراس كليات جامعات او موظفين

نشــوف ناس تتميز عن ناس ثانية فيه شي يملكه شخص الثاني مايملكه يمكن يخليه سعيد والثاني لان ماعنده

نشوف عليه علامات حزن او انكسار هذا الشي يخلي الانسـان فوق أو يخليه يهبط ألى ادنى درجة

وهو من ضمن الامور اللي تساعده على تحقيق مكانه متميزة بين الناس
وهي الثقة بالنفس

مثلاً
(( طالبة تدخل قاعة الامتحان بعد تعب وسهر تشوف الاوراق تسمك القلم بتجاوب توقف ماتقدر ))


ماعندها ثقة في قدرتها


مثلاً

(( وحده تقول هلي متضايقين مني جربت أكثر من فستان ومااقتنعت بمظهري وقررت ما أروح مع اهلي للحفلة ))

مثلاً

(( بالدراسة احنا نعرف الاجابة وتجاوب بنت ثانيه وتطلع نفس اللي كنا بنقولها ونتندم ونقول ياليت كنا مجاوبين ))

موقف أخر

((فيه موظف عنده فكره ممكن تخدم العمل وتساعد بالتطور لكن مايقدر يحاور المدير ويقوله عن افكاره يخاف المديريستهين بفكرته قال الفكره لصديقة بالعمل صديقة قدم الفكرة واخذ جائزة على اللي قدمه مو لو هو كان عنده ثقة من بأفكاره كان هو أولى بالجائزة ))


وفيه اشخاص لا نشوف عندهم الثقة في غير مكانها
أو أحنا نسميه ثقة


(( شخص معروف أمــام المجتمع بأفعاله المشينة من شرب الخمر سرقة تلاعب في مجال عمله من اختلاس الاموال
ونشوف انه عادي يحظر اجتماعات يجلس مع الناس بكل ثقة ))


الدكتورة فوزيــة الدريع عطت تعريف بسيط للثقة بالنفس

ان الثقة بالنفس هو احساس الانسان باهميته ومكانته في الحياة بشكل عام

( الثقة بالنفس مثل الكهرباء والأكسجين لايمكن مشاهدتهما بالعين المجردة لكن لاشي يسير بشكل صحيح دونهما )

يعني أحيان ممكن من اول نظره للشخص واول مقابلة تقول عنه واثق
يمشي بخطوات سريعة وراسه مرفوع لفوق
يتكلم بطلاقــه


طيب أنت تشوف نفسك تمتلك كل الثقة ؟؟

برأيك فيه فرق بين الثقة بالنفس والغرور ؟؟

فيه لحظات مرت عليك حسيت فيها أن ماعندك ثقة بنفسك ؟؟

شاركنا رأيك يهمنا

زيزفون [/align]