¨¨¨°~*§¦§ لازانيا §¦§*~°¨¨¨

السلام عليكم ورحمة الله وبركاته

جايبة لكم اليوم وصفه لأكله رهيبه


المقادير:

مقادير الباشميل:

5 ملاعق اكل زبده.. تكون مطلعه من الثلاجه من وقت واخذت على حرره الغرف."يعني لينه بس متماسكه مو ذايبه".

نصف كوب دقيق ابيض

4 اكواب حليب دافي

ملح وفلفل أسود

كوبين من صلصه الطماطم"راح اكتبها لكم"




باقي المقادير:

ملعقتين زبده

ربع كوب زيت زيتون

لحم مفروم

3 بيض

1 ونص باوند جبنة ريكوتا..>>>أو سوي زي ما سويت وحطي ثلاث ملاعق كبيرها...ما اوصيل تملينها مرره

شرايح اللازانيا

سبانخ مقطع ومطحون وما يكون فيه مويه.."اذا ما تحبين السبانخ ممكن تستغنينن"

جبن موزاريللا

جبن بارماجان



طريقه صلصه الطماطم:

نصف كوب زيت زيتون

بصله مو كبيره مره مقطعه

ثوم

علبتين طماطم مهروس او انتي ممكن تقطعينه..بس حاولي يكون الطماطم الي بتقطعينه مليان مويه جواته..

ملح وفلفل اسود..

اللي تسوينه انك تحطين الزيت على النار وتحطين البصل والثوم عليه..لما تحسينه صار لين حطي عليه الطماطم والملح والفلفل وحركيه لدقيقتين..بعدها خليه على نار هااديه لمده ساعه..راح تلاحظين بعدها انه ثقل شوي.


طريقه الباشميل:

ذوبي الزبده على النار بعدها ضيفي الدقيق وحركي...

بعد كذا زيدي علها الحليب شوي شوي وحركي ..لا توقفين تحريك لحد ما تكون كثتفه الخلطه تغطي ملعقه الخشب او الملعقه اللي انت تحركين فيها.

شليها من على النار وحطي عليها صلصه الطماطم وحركيهم مع بعض واتركيهم على جنب يبردون..

في مقلى حمي زيت الزيتون وحطي عليه اللحمه المفرومه لحد ما يتغير لونها من الزهر الى البني..حطي عليها الملح والفلفل ..

في صحن ثاني اكسري الثلاث بيضات واخلطيهم مع جبنه الريكوتا..

اسلقي المكرونه في مويه معها شوي زيت وملح... لحد ما تلين..


الحين جيبي صينيه بايركس.. وحطي فيها ثلث كميه الباشميل ..بعدها حطي عليها طبقه من شرايح المكرونه..بعدها حطي عليها خلطه البيض والريكوتا بشكل متساوي وحطي بعدها السبانخ...حطي طبقه من شرايح المكرونه...بعدها تحطين اللحمه المفرومه حقتك وطبعا كل شي توزعينه بالتساوي..بعد ما تحطين اللحمه المفرومه ..رشي عليها جبنه المزاريللا..بس مو كلها لانك بتحتاجينها بعدين..بعدين صبي عليها ثلث من خلطه الباشميل...بعدها وزعي صفايح المكرونه..بعدين صبي عليها الثلث الباقي من الباشميل ورشي وجهها بالموزريلا والبارمجان.. وقطعي الزبده الى ارباع وانشريها على الوجه....

غطيها بقصدير وحاولي ما يلامس الوجه ودخليها الفرن..




بعد تقريبا نصف ساعه ولما تشوفين الوجه يبقبق>>>ما ادري وش الكلمه بس يعني لما يصير الوجه يطلع زي الفقاقيع ..

فكي القصدير وحمريها من فوق على نار هاديه..

طلعيها وقطعيها وبالعاااافيه...

تحياتي ... سارة