كان يا ما كان ،، في سالف العصر ( قبل الأذان ) !! كان هناك عائلة غنية ،، تعيش عيشة هنيّة ،، ( أخت البت سنيّه ،، بنت الحاج ،، متولي !! الوله ،، نور الشريف النسونقي !!! مش هو اتقوز وخلّف سبع بنات ) >>> الحصني فات فات وفي ذنبه سبع لفات !! ( ست لفات ،، تتن !! ولفة وحده ،،، قات ) !!

لا للمخدرات !!

لا للتوت مع اللقيمات !!

لا للمثلين الشيون ،، أيه للممثلات الزينات !!

على طاري ،، المصارية والتلفزيون ،،، عندي سؤال ؟؟

يعني وش فيها ؟؟ لو اجتمع الخال ( راشد الفارس ) مع ذا الخكري ( جواد العلي ) >>>>>>>>> صراحة عقب القنوات الفضائية وكثرة المسلسلات ،، !

أنصحكم تسوون لعقولكم ( ديفراقمنت ) عشان ما تلخبطون مثلي !! ويا ليت تحذفون الملفات اللي ما لها داعي !! وأول الملفات اللي أنصح بحذفها ملف رقم ( 7005111 ) !!!

======================================
هذا الله يسلمكم موضوع ،، القصد منه خنبقه خنابيز الخنباق !!
======================================

وتراي متبرع اذا نجحت ( بجهاز آوربت مع التركيب ،، وكلش ) لجمعية حقوق العزوبية ومكافحة مرض ( الحفاف ) في مدينة الرياض ‍‍!! وقرى سدير والوشم والقصيم ،،

بتقولون ،، ليه المناطق ذي بس ؟؟ والباقين اللي في المناطق الثانية ،، ما لهم رب !!!

اقول ،، خذو ،، العلم الوكاد !! ( مهوب خراص ) !!

حسب نتائج الدراسة الأخيرة لوزارة الصحة ،، فإن مدينة جدة ،، خالية من مرض ( الحفاف ) !! وذلك نتيجة حملة وزارة الصحة العام الماضي والتي حملت اسم ( تصريح العمرة ) !!

كما أوضحت الدراسة أيضاً خلوّ المنطقة الشرقية من هذا الداء العضال !!
( نتيجة توافر الشاليهات والمنتجعات الصحية على شواطئ البحر ،، وفي مملكة البحرين القريبة )

أما بالنسبة لبادية الشمال ،، فقد تمت السيطرة على انتشار مرض ( الحفاف ) بنشر دوريات صحية متعاونة مع الوزارة لنشر لقاح جديد يقضي تماماً على المرض وجميع أعراضه الجانبية ،، ويسمى هذا اللقاح ،، مصل ( تجمعات الصلب ) !!

الأعراض الجانبية لهذا الدواء !! كثيره !! والوزارة تحذّر من استخدامه بكثرة !! وهو عبارة عن دواء يحمل داء ) !! ومشهور بشكله الخارجي الجميل ولونه ( الأحمر ) ورائحته الكريهة التي تبقى مع المريض مدة تتجاوز الشهرين في الشتاء وأربعة أشهر في الصيف !!

بس ،، بيني وبينكم ،، المريض ( الصدقي ) ما يهمّه طعم الدواء ،، أو ريحته !!( أصلاً كل أبو العلاجات ،، ريحتها مخيسة ،، يعني وقفت على ذا العلاج الأحمر ) !!

======================================

الموضوع !! <<<<<<<< كل ذا الخنبقة اللي فوق ،، مقدمة !!
يعني مالها دخل في الموضوع

خخخخخخخخخخخخخخخخخخخخخخخخخخخخخخخخخخخخخ

=====================================
كان إنسان العصر القديم ،، ذاك اللي ما يمشي إلا والعجراء معه !!

كان يسمى بـ( رجل الكهف والعصر الحجري ) وكان يعيش في كهف ( دبلوكس ) على ثلاثة شوارع !! <<<< ماكان عندهم هاك الحين ( بلديات ) تنشب في حلوقهم !! هذا ممنوع ،، هذا مخالف للنظام !!

وكان له وظيفة !! <<<<< وفي الديرة اللي يبي !!

وكانت وظيفته ( الجمع والإلتقاط ) وكان ملزوم يوقّع الصبح بدري ،،،،، ويوّقع نهاية الدوام ،، حول المغرب !! <<<< هذي اللي عجز الإنسان إنه يفتك منها ( سالفة التوقيع ) !! من هاك الحين ،، الين الحين !! والتوقيع ناشب في حلوقنا !! ما فيه ثقة !!
لا ومن زود القهر صار الدوام ببصمه هالحين
خخخخخخخخخخخخخخخخخخخخخخخخخخخخخخخخخخخخخخخخخ
المهم وظيفته ذي مهيب متعبة بالحيل !! <<< أقرب ما لها من الوظايف الحين !! وظيفة ذا اللي يتسدحّون تحت الطاولات في مراقص ( شارع الهرم ) يجمعون ( التنقيط ) !!

وطبعن كان ( رجل الكهف ) ذا !! معرس !! <<< سبحان الله منذو مبطي ،، والرجاجيل ،، يدوّرون الغثاء !! وإلا وش يخلي ذا الخبل ،، يعرس ،، والدعوى منوّل خبصة !

المهم ،، كان معرس على وحدة ( طرماء ) من بنات جيله ( رجلة كهف ،، مثله ،، ومعها عجراء صغيرة ،، وفوق راسها ،، عظم على شكل بكلة ) !!

الظاهر اللي خلّاه يعرس عليها !! من بد كل ذا الحريم !! هو !! انها طرماء !!! <<<<< ترى العرس من طرماء ،، لا تحتسي ،، ولا تنق ،، ولا تخثرق في التلفون !! تراها ميزة ،، بنت كلب !!

وصراحة الرجال ،، ما تكلّف في عرسه !! كان راس ماله ( رجفتين ،، وركبة ،، ثم تلّها مع شعرها ) وأعرس عليها !! <<<< مثل اللي في أفلام كرتون ،، يصكها بالعجراء مع هامتها !! ثم يسحبها لبيته !! ( بلا زوجتك ابنتي ،، بلا ،، مهر ،، بلا ،،، بطاقات عرس ،، بلا همّ ) !!

المهم ،، كان اسم ذا الخبل ( غوغو بن غاااااااا آل غرقل>>> كانت الحروف في لغتهم ذيك الأيام شوية ،، يا لله يا الله ،، تطلع لك باسمن زين !! مثل اسم رفيقنا ،، ذا !!

وفي يوم من الأيام ،، قام ( غوغو ) من النوم ،، وما لقى ( حرمته ) جنبه !! قال يمكن إنها في المطبخ ،، تزيين الفطور >>> عاد هو ما يفوّت وجبة الفطور ،، ذي ،، أبد !! و يموت في شي اسمه ( المقلقل ) وخاصة إذا كان من لحمة ،، تمساح ( جذع ) !! وإلا ،،( وحيد قرن ) وطني ،، مربّع في ( حفر الباطن ) !!


المهم ،، يوم طلّ في المطبخ ،، ويلقى حرمته ،، منسدحة على الأرض وما غير ( تزّوع ) وأرضية المطبخ تطفح من ذا ( الطراش ) واللي كان واضح من شكله إنه ،، بقايا كبدة ديناصور ،، وشوربة ( شاوفان بيتي كويكر ) >>>>>>>> ترى من ذاك الحين ،، وذا الشوربة فيه ،، والصورة اللي عليها ،، هي ،، هي ،، ما تغيّرت !!

قال ( غوغو ) : غاا رو لغر ااا واغ لووووووو ؟؟ يعني ( وجعن يمصع ظهرتس !! وين الفطور ؟؟ ) >>>>>> الولد رومانسي ،، وإلا لو إنه أحد غيرة كان ( حاقها ) في طراشها !! ثم ( طب في بطنها ) ثم قال : وين الفطور ؟؟

قالت : وووووووووووووووواااااااااااااااااا غغغغغغغغغ !!! يعني ( هذي قولتك الحمد لله على السلامة أنت ووجهك ،، ذا اللي كنّه ،، ( عسيب نخلة ،، متبرع بدم لــ "أثلة" ) !! >>> ( ألعب عليكم ) أصلن هي ما كانت تحتسي !! هماها ( طرماء ) خخخخخ !!

قال ( غوغو ) : خير انشاء الله !! وش اللي صار ؟؟ عسى ما شر ؟؟

قامت ذا الضعيفة ( تّشر بيديها !! وتغاغي !! ) وفهم منها ( غوغو ) إن فيه حرامي ،، طب على المطبخ ،، وطب في بطنها ،، وهي ما قوت تصيح ( لزوم الطرمنة ) !! وفي الأخير سرق ( اسطوانة الغاز )

قال ( غوغو ) : لا حول ولا قوة الا بالله !! يعني ما فيه فطور !!<<< ألزم ما عليه بطنه ( جعلة الشقّاق )

المهم ،، قام ( غوغو ) ،، وهزع وتلّها مع شعرها ،، وقام يسحبّها ألين وصل المستوصف !! يوم دخل المستوصف ،، وقابلة الدكتور !! ومعه الممرضة ،، قال (غوغو ) : هاه ،، وش رايك يا دكتور ؟؟ قامت !!
;4 ;4 ;4

قال الدكتور : قامت ،، قيامتك ،، انشاء الله !!

تبي تاخذ ذا الطخمة اللي جنبي وتعطني ذا الشيفة اللي معك ،، ومن زين الطبايع ( مطرّشه ) !! وقشرة الطماطه ،، ناشبتن في سنونها !!

قال ( غوغو ) : الله يرجك ،، يا دكتور !! صدقت ،، أمزح معك !!

قال الدكتور : هاه ،، ( غوغو ) أخلص وش عندك اليوم ؟ وش فيها رفيقتك ،، طابعتن الدنيا !! عسى ما شر ؟؟

وقبل ما يحتسي ،، غوغو ،، ( أردف الدكتور قائلاً ) : قبل لا انسى !! فتحت ملف ،، من عند الاستقبال ،، وإلا ،، زي العادة مسوي فيها تمون ،، عشاني مستاجر عندك شقة !!!

قال ( غوغو ): أي ملف ،، أي خرابيط ؟؟ اللي يشوفك أنت ومستوصفك ذا ،، يقول ،، مجمع عيادات الدكتور " الحبيب " على غفلة !!

يالله أنت و وجهك !! أخلص وأكشف عليها ،، وشف لها حل !! يا خي لو تركب على حلقها ( عوّامة ) !! تراها ذبحتني كل يوم تطريش !!!

قال الدكتور : لحظة ،، أنت تقول انها كل يوم تطرش ؟؟

قال ( غوغو ) : أيه ،، لها الحين يوم ، ويوم ، ويوم ، ويوم ، ويوم ، ويوم ، ويوم !! >>>>>>>>>>>>> ما فيه ذيك الأيام حساب !! وإلا كان قال سبعة أيام ،، وريّحنا !! ( أشوى إن ابن سيناء طوّر علم الحساب ،، وإلا كان تقعد ثلاثة أيام وأنت تملي رقم تلفونك على بنت !! )

قال الدكتور : بسيطة ،، غدت ولقيناها !! هذا الله يسلمك ،، من أثر ( الغازات السامة ) اللي استخدمها ،، ( بوتن ) يوم مشكلة ( المسرح ) في موسكو !!>>>>>> ترى هذا ( بوتن ) ثاني !! مهوب حق ( روسيا ) !! بس ،، ما فيه فرق بين ألأثنين ،، كلهم عيال كلب ،، لا دين ولا ملّه !! طرّاه ( بوتن ) يومه يقول : أحذركم من الشيشان فإنهم يريدون خلافة إسلامية ،، في أوربا !!
======================================

*** نأسف لهذه الخطمة !! **** <<<<< عادي ترى الممثل البطران هو اللي يطلع عن النص !!

======================================

وطبعن ،، زي أي نهاية مسلسل ،، مصري ،، ما دام الدعوى فيها تطريش !! لازم يكون فيه ( زغروطه ) عشان ،، المدام حامل !!

مبروك ،،،، غوغو ،،،،،،،،، ومنك ( الجمع والالتقاط ) عند الاشارات !! ومنها العيال ( اللي ،، برضه بيجمعون ويلتقطون ،، مثلهم مثلك ) !!

++===================================++

وتوته ،،، توته ،،،،،،،، قضت السالفة !!

برايفت ( عصيقلات ) **
من طرف التوقيع والبصمه ترى مانيب اعني دوامك ابد ابد!!
أما ( السفره ) ،، فرايح رايح الله لايعوق بشر !!


النهاية the end