الموضوع من باب الدعابه فقط ولا يأخذ بمحمل الجد .. يعني لا احد يتفلسف ويقول بـــوينـــ777ـــج قال وقال ...
بما اني تمرمطت في المنتديات وما خليت منتدى الا وشاركت ( من الفضاوه وقلة الشغل ) فيه اكتسبت خبره في فن الكتابة والتعامل مع المنتديات وعلشاني احب لنفسي ما أحبه لغيري قلت اقدم هذه النصائح الخنفشاريه الي مثل وجهي للمبتدئين من اخواني واخواتي الي يبون يدخلون في معركة القلم في المنتديات العربيه 0
<<< منت بعاقل ياكوفي عنان << وش دخله؟؟
خلوكم معاي وفتحوا مخختكم واللي بينام بحذفه بالطبشوره
<<< ياما تفقعت جبهته من طباشير المدرسين اذكرهم مايجون الفصل اللي انا فيه الا بكرتون طباشير والطبشوره يقسمها نصين نص يكتب بها ونص يمحطني بها على جبهتي .. كل ماغفت عيني بنومه استقبلت جبهتي طبشوره
00000000000000000000
1/ فرفر بين المنتديات الين تطيح في منتدى اعضائه من المشهورين والكتاب المميزين في عالم النت وسجل واختار اسم رنان يرمز لشيء ذو قيمه مثل منتدانا هذا اللي يعتبر جديد تقريباً .. وللحين ريحة البوية فايحه فيه ..
2/ لا تدخل مثل العاده والعباره الشهيره ( انا مشترك جديد فهل من مرحب ) وتسوي فيها جديد ومستحي
الا صكهم بموضوع وامدح في منتداهم وانك ما حصلت افضل من هذا المنتدى ( شغل مصريين )
3/ بعد ما يمدحون كتاباتك الأعضاء لا تطنش احد منهم اعطيهم من ها المديح الين تحس انه بدء الأعضاء يملون من نفاقك وكذبك,,
4/ اذا قام احد من الأعضاء يتميلح معك. قدام الاعضاء . وسمعك كم كلمة من الكلام الماصخ سوي يعني ذاك العاقل ولا تغلط عليه خل ردك دائما ( الله يصلحك ) ( الله يهديك ) وبعدها شف بريده وارسله رساله قوية ولا مانع انك تواعده في مكان وتتوطى فوق بطنه .
5/ دائما اذكر محاسن المشرفين ولا تبين عيوبهم للأعضاء إلا اكتب الله لا يحرمنا منكم والله يعطيكم العافيه على الجهود الطيبه تراهم احتمال يرشحونك للمراقب العام ويمكن تسير نايب مشرف عام مكان سرسر (احم احم الله يستر )
6/ لا تكون خفيف من اول ما ترد على موضوع وحده من ها البنات تروح تطلب منها الماسنجر حقها وتقلها انك تدور من زمان على بنت الحلال وان قصدك شريف ومن ها الكذب تراهم ( البنات ) وخاصة المتمرسات في المنتديات العربية تضحك على عشره مثلك وما يمشي عندهم ( ها البكش ) الا اركد وخلك ثقيل ..
7/ لا تتوقع كل اسم يدل على انها انثى مليئه بالا نوثة والدلع انها فتاة احتمال كبير انه واحد من ها الشباب الي نصف سنونه ما كلها السوس والنص الثاني كأنها حبوب كيرم بعدين يسحبك على وجهك من خلال الرسائل الي بيرسلها لك على بريدك..
هذا وتقبلوا مني تحياتي المعطره <<< ماني بعاقل يالاسلوب
الإهداءات
المواضيع المتشابهه
موضوع خاص للأعضاء الجدد اللي بقراطيسهم
العرض الشجري
