( . ( أبد ما جيت أبـارك لك ولكن جيت بأوصيك ) .)

"

قصيدة قالها شاعر في يوم عرس محبوبته والقصيدة موجهة لللعريس

أبد مـا جيـت أبـارك لـك ولكـن جيـت باوصيـك
.. .. .. على الله نـاوي(ن) تدخـل بهـا الليلـه ... معذبتـي
ترى لولا الظروف اللي عطّتك وحدّت محاكيك
.. .. .. قـسـم بالله مــا تـدخـل عليـهـا لــو عـلـى رقبـتـي
ولكن النصيب أقوى ولاادري ويش اسوي فيك
.. .. .. نعم...صارت معزبتك,, ولا صـارت معزبتـي
كـذا شـاءت بنـا الأقـدار تحرمنـي لجـل تعطيـك
.. .. .. كذا لازم عشان تفوز انت,,أنا اخسـر بتجربتـي
تــراهــا غـالـيــة جـدا..وتـكـفـى.. والله يـخـلـيـك
.. .. .. تـدللها..تـدلـعـهـا..تـنـسّـيــهــا مــصــاحــبـــتـــي
أنـا مـن كثـر مااغليهـا أحـس انـي بديـت أغليـك
.. .. .. ولاتــســأل بــأيــة حــــق والا وش مـنـاسـبـتـي
لأنـك لـو بتسألنـي بتسـمـع شــي مــا يرضـيـك
.. .. .. لــذا يــا خــوي لا تـسـأل ولا تسـمـع لأجوبـتـي
أبيـك تحطهـا فـي داخـل عيـونـك وبـيـن ايـديـك
.. .. .. وهــي دلـوعـة إعـتـادت عـلـى كـثـرة مداعبـتـي
فداعبهـا شـوي شــوي حـتـى تشتـهـي طـاريـك
.. .. .. وشاغبـهـا إلـيـن تـقـول: بـطّـل مــن مشاغـبـتـي
واذا هي مالهـا خلقـك,,ولا تضحـك ولا تسليـك
.. .. .. تحمّـلـهـا وإسـألـهـا :يـاعـمـري لـيــه عصّـبـتـي
وبالك أسمـع انـك يـوم تضربهـا وهـي تشكيـك
.. .. .. مـا يحتـاج أوري لــك بـفـن الـضـرب موهبـتـي
صحيـح انــك بتملكـهـا ومـعـك العـقـد بالتملـيـك
.. .. .. وانـا عــارف حــدود الله ومــن حـقـك معاقبـتـي
ولكن قـل لهـا : المجنـون وصّانـي وهـو يعنيـك
.. .. .. يــقــول انــــه بيـنـتـظـرك لـوشـيّــب وشـيّـبـتـي
وانـا مجنونهـا اللـي مـا نساهـا وانـت مايمـديـك
.. .. .. تغطـي ذكرياتـي.. فـي هواهـا و ربـع تجربـتـي
أحس اني تماديـت بكلامـي,, والغضـب حاديـك
.. .. .. ولـو انـك فـي مكانـي مـا تفـكـر فــي محاسبـتـي
كفـاك انـي تركـت الليلـه أشغالـي عشـان أجيـك
.. .. .. دخلـت القاعـة برجلـي ولا أدري ويـش عاقبتـي
وانـا مـا جيـت أخـرّب عرسـك الليلـه ولا أذّيـك
.. .. .. أنـا جيتـك عشـان أخاطبـك واسـمـع مخاطبـتـي
توصّى .. وانتبه.. واحرص عليهـا والله يهنيـك
.. .. .. ترى كـل الكـلام اللـي طلـع مـن ضيقـي وكبتـي
ولكـن مـا قــدرت انــي أقـولـه وانــت مايخفـيـك
.. .. .. أخــاف انــي اذا قـلـتـه تـقــوم وتـقـطـع رقـبـتـي

وسلامتكم

"