لولا المواقف ماعرفـت الرجاجيـل
ولا عرفت ان ا لمواقف لها رجـال
انا اشهد ان به ناس وقت البهاذيل
لاحل وقت الجد يطرى على البـال
وماكـل رجـال ٍ يمـد الفناجـيـل
يعرف سلوم المرجلة في كل الاحوال
بعض الرجال كبـار لكـن مهابيـل
المرجلة ماهيـب بالكبـر والمـال
وبعض الرجال اجسام لكن تماثيـل
جسم ٍ كبير وداخلـه قلـب تمثـال
يملى عيونك بالشكـل كنّـه الفيـل
ولا جد وقت الجد كذّبـت الاشكـال
ماينفعك وقـت الشدايـد بتحصيـل
ياليت تسلم من هروجـه والاقـوال
ومنهو يضن ان المظاهـر دواليـل
به ناس عفنة تلبس شماغ وعقـال
والدلة اللـي دون هيـل ومعاميـل
ماتسقي الخرمان لو ربـع فنجـال
وبعض الرجال يكيد لك بالمحابيـل
يضحك بوجهك لكن القلـب دجـال
السنّ ابيض لكـن القلـب كالليـل
ماكل ضحاك ٍ معك يبـري الحـال
ولولا الحسد والبغض والقال والقيل
كان العرب صارت على قلب رجـال
هذا كلام الحـق مـن دون تبديـل
حبيت اقول الصدق والحق مـازال
هذا كلامي فيـه بعـض التفاصيـل
شي ٍ مجرب ماخرصته مـن البـال
ولولا المواقف ماعرفت الرجاجيـل
واصبح ردي الناس بالهرج رجـال
منقول
الإهداءات
المواضيع المتشابهه
بعض الرجال كبار لكن مهابيل
العرض الشجري
