مــآ بقى فيني بقــآيــا ،،،

مآ تبيني ..!ملت الصدق المشآعر ..!يآ نور أيامي و سنيني اللي مضت
يآ الظلام اللي بيديني
مآ بقى فيني بقآيا
اتركيني ..!سل الحزن لغدرك خناجر
ومآ لقآني فيني
وجرحي نادى
يآ محاجر الدمع ما يكفيني ..!
[ ضآعت ] بدآياتي
بقيت نهآياتي و أسأل إجاباتي
هو أنا أخطيت ..!
هو بقى في اللي بيجي يآ ليت ..!
مآتت إجاباتي
قالت لي " مليت "
يآ أكثر جروحي الأخيرة
لو عرفتي اليوم قلب ودعك
يآ آخر جروحي الكثيرة
مآ عرفتي اليوم مآ عاد أذكرك
و مآ أذكر من اللي مضى
إلا غرامك و [ الفراق ]
بعض اللقاء و الاشتياق
و كل الأحاسيس الصغيرة ..!
يا برد عمري و يا هجيره
تخطين لو يخطر في بآلك
انك في بآلي كل دقيقة
و إنك خيآلي و الحقيقة
و إني أحبك مهما كنتي
يآ برد عمري و " زمهريرة "
إن كآن قلتي إني فقدتك
مآ صدقتي ..!
و إن كان قلتي مآ نسيتك
مآ صدقتي ..!
لو عرفتي مآ أذكر من اللي مضآلي
إلا أنتي
و مآ أذكر من اللي مضى
إلا أنتي
و مآ أذكر إلا إني بكيت ..!
و في ليلة مآ فيها وفاء
قلتي لي [ مليت ] ..!
يآ أنتي آخر أولي
لا تصدقي إني نسيت ..!

من قبل تنهي مسرحك
أسدلت أنا عنك [ الستار ]
و أنهيت كل اللي جمعنا من كبير و صغير
و أبشرك ..!
قلبي كبير و لا يتأثر بالصغار
و إذا تحداني الزمن لجأت إلى الله " استخير "
ليلك طويل و لا أعتقد يطلع على مثلك نهار
قلبي نسآك ..!
و موقفي هذآ هو الرأي الأخير
اخترت وضعي مثل ما أنت اخترت وضعك
باختصار ..
هذا الكلام اللي سكن نفسي
و نآبع من [ ضمير ]

إيه [ خنتك ] ..
لأجل أنا أرد اعتباري ..!
صح هنتك ..
و ماني محتاجة أداري
و لا ترجى اعتذاري ..!
واسمع اللي لك بقوله
يا تفآهات الطفولة
ماني بذيك الخجولة
و باجرحك يآ جارحي ..!
شفت وشلون الخيانة قاسية
لحد " الإهانة " ..!
مير من باب الميانة
قلت مثلك بطعنك
و أنت بحدود البكي
لا تكثّر بالحكي
و لا تظن انك ذكي
و أنت جرحي يسكنك ..!
تهمتك لي [ الخيانة ]
زيد معها ..
سبق إصرار و ترصد ..!
يعني النية في قلبي / نية مبية
لأني أصلا و بصراحة ..
خنت عمدا
لأجل أوريك اللي شفته
ولا تظن إني " جبانة "
جيت أواجه ..!
و أسمع لهرجي رجاء
خنتني يوم الوفاء فيني كبير
يعني أنت اللي بديت
هنتني يوم العطاء مني كثير
ودون مآ أدري ..
قسيت ..!
و الفعل لا بد له / ردة فعل ..!
و أنا منك انعميت
قلت أسوي مثل فعلك
ثم فعلت ..!
ليه بفهم .. انفعلت ..!
آه يا ذا [ المجتمع ]
الصداقة للرجل
و الخطايا للرجل
و الخيانة للرجل
قابلينه في خطاه ..!
بس إحنا
ما لنا غير الخجل
و التغلي و الوجل
و الله أعطانا قلوب .. تعشق بصدق / وتذوب
و لجل حب اللي نحب
نسعى حتى للدجل ..!
آه ما أغباه قلبي يوم ظنيت الوفاء .. و العاطفة
و أحساس الدفا
ممكن إنها تجتمع بهالزمن في قلب واحد
يآ خايني / مع السلامة ..!
رح مع ذاك الطريق
خنتك لانك تستحق الطعن و كفوف الغدر
منت بكفو بنتٍ وفية تملك الحب العميق
طابت جروحي يوم شفتك
منصدم بي منقهر ..!

وجع / حب
و وجع خوف
و وجع شوق
و وجع [ ضيقة ] ..!
على كيفك و هآك اختار
هذي " سلة أوجاعي "
غلا / واسمع نزيف الجرح ،
كلام الصمت ما " أطيقه "
أنا محتاج أسولف لك
عن أول وآخر أوضاعي
و أبد لا يجرحك صوتي
حياة الطير / تحليقه
عليك الله تصير الكون
و المسباق .. و الداعي
أنا [ أصدق ] طير في الدنيا
عشق حتى مسابيقة
لكن بديت أذكر معك أيام مرباعي
تعال افتح كفوفك
حلم
أموت بيوم تحقيقه ..!
تعال ارسم بحور العشق
و أكسر لو تبي " شرآعي "
أبي غيم سرق ربعي
و ذللهم / بتشويقه
أكون أول بشر مجنون
تزوره بالعطش قآعي ،
حتى لو وهم ..
تكفى
أبي أتوهم بتصديقه ..!
أبي ذات ..
أبي مولد يوازي صرخة الناعي
أحس بدآخلي / عالم
حرآم أقتل مخاليقة
حرآم أسكت
وأنا صوتي نثرته وجه الاتباعي
يآ أول قلب [ يبكيني ]
و تبكيني مواثيقه
أنا أطباعي ماهي زينة ..!
بس هذي هي أطباعي
تغربي قوافي الموت
أقول العمر تشريقه
أعيش بشبه " غيبوبة "
و أعرف إن الزمن وآعي
أكمل لك ..
وجع / خوف
و وجع شوق ..
و وجع ضيقة ..
على كيفك ترتبني ..!
حلالك كل أوجاعي