عز الكلام وخيّم الحـزن والصمـت
والجرح الأول رافقـه جـرح ثانـي
رفعت طرفي للسماء فوق وأقسمـت
أنـي حبيـس المهجريـن بزمانـي
كني عن أيامـي وعثراتهـا نمـت
وصحيت أذكّر كـل جـرحٍ نسانـي
عشت وتعايشت وهقيـت وتوهمـت
وأخذت وأعطيت ومنعـت وعطانـي
المستحيل اللي على مصافحه همـت
عن كل واقع فـي حياتـي خذانـي
لاني عزيـت ولامشيـت وتقدمـت
أعيـش غربـة واقعـي والأمانـي
كم وجه فيه أمّلت خيـر وتوسمـت
وأصبحت ظامي والسراب أيحدانـي
وأغضيت وأنّبت الضمير وتندمـت
ونخيت صبري طـاع والاّ عصانـي
مجنون0عاقل0 عاطفي وأن تكرمت
لاتستبيح الجـرح والشـأن شأنـي
يمكن طموحي غير؟يمكـن تشيمـت
عن كل صـوتٍ مرّنـي مادعانـي
يمكن لفرصـات الزمـن ماتغانمـت
مرّت وطافتنـي وأنـا فـي مكانـي
بس الوكـاد أنـي مثـل مانعلّمـت
لي منهجي0 لي نظرتي0 لي كيانـي
لاتسأليـن مـن أي جـرحٍ تألمـت
يأجمـل قصيـدي يـادلال المعانـي
يابنت لو عـن كـل مابـي تكلّمـت
الحبـر جـف ولأنتهـى ترجمانـي
تدرين00ليه البوح والحزن والصمت
لأني فرحت وفرحتـي بـك ثوانـي
لـ صالح الضويحي .!
الإهداءات
حبيــس المهجرين لصـ ـ ـآلح الضـــو يحـ ـي
العرض الشجري
