فضفضة قبل النوم

يا حيا الله كلن بنكـــه
وش لونكم وشلون علومكم ويف البلاد؟؟؟


قبل كل شئ وقبل ما سترسل >> اروح سلطه في صحن على استرسل
قبل ما ادخل في لب الموضوع ..احب ان انوه واشيد >> تحسون انه بداية شطح
طبعاً اشيد بمجهودات المسؤالين على هذا المنتدى وما بذوله في سبيل انجاح ورقى المنتدى
بصورته الحاليه ..ولا انسى ان اشكرهم على حسن كرمهم لنا ..واحترامهم وتقديرهم الذي هو ينبع من حرصهم على نفسية العضو ...
والبحث عن المقومات والاساليب الحضاريه في سبيل دعم الاعضاء وحثهم على البقاء والمشاركه
في ضل كوكبه من الاعضاء ان قلنا رائعه فهو اقل تقدير في حقهم ..فهم سبيل رقينا ومصدر ابتسامتنا !!

ندخل في الفضفضه قبل لايجيكم النعاس:-

تصدقون ما عمرى حسيت ان العزوبيه بها مشاكل و شينه >>> احلف
يوم اهلى سافرو وتركوني لحالي جلست عشان الدوام ماقدر تعرفون
لقمة العيش >> مولود وفي فمه ملعقة خشب ( مطفرر)
توهقت بروحي وقتها عرفت معنى العزوبيـــه لا عزوبيه وفي الرياض ..انواع الحر السموم والغبار
طبعاً الحين صاير خبره في مجلات عده ..منها تصليح الشاي ..والقهوه..والاندومي
والبيض المسلوق >> البيض داخل عرض
وبعد تعلمت كيف يشتغل الدنمو عشان اذا قضى الماء في الخزان اللي فوق ...بس تدرون فيه مشكله
الدنمو اذا شغلناه لازمن نخليه ساعتين وصوته انواع الموسيقى>>> شاريه مستعمل
انا دوم اشغله وانساه...اخرتها مره من المراريرر شغلته على اني برجع اطفيه بعد ساعتين ..
وفجاءه دق على جوال وطلع واحد من الشله وقال تعال انا بالمطار احتريك ..وانا من زود الثقه في النفس
والذكاء نسيت وركبت الموتر ورحت مسوي فيها شهم وحق فزعات ..ويوم استقبلت خويي دخلنا في السواليف وعاد تعرفون وشلون المطار بعيد
واخذت به لفه على الرياض ..تعرفون اهل الديره يوم يجون عندنا يموتون في شيئن
الاسواق ..والمطاعم >> يتمنن عليهم خخخخخخخخخخاااي
المهم اني رجعت للبيت اضن بعد خمسه ساعات واربع دقايق وثلاثين ثانيه
>>> زابط ساعته على توقيت قرنتش
واحصل البيت غرقان في المويه وادخل البيت سباحه ..>> لحد يعلم مصلحة المياة
ولاحضو شئ ..اتوقع ان العزوبيه كلهم متعودين على ان يبقى البيت فوضه ويكون ممتلى بانواع العلب
الببسي والقراطيس ...وانواع اكياس هرفي وتنتاكي وكودو >>> يخاف يقول وصخين احد يهفه بكف
واكبر مشكله تواجه العزوبي اللي انا عاصرتها القومه الصبح ..مع ان عندي ساعتين خراشتين ينسمع رنينها
من حدود خط الاستوى>>> لحد يدقق ..مربي ارانب من يومه صغير
وكل هذه الاصوات الا انها مافيها نفعه ..سبحان الله ..يوم تدق احسبه مقطع في الحلم ..وياما شكلت على الدوام وعطيته
اشكل بسبت النوم ...( يازين تشويت الوالد لى ..افضل من ساعة بق بن )

-------
وفي الاخير وليس في الاخر >> متعوب عليها


يا اخوان اللي منكم ييتن ينتبه( بلوه) ..ايه والله جـــد...مـــره وانا بجنب الكيبورد ..جيت ابي اطفى السجاره كنت ادخن ايام الجاهليه >> يا عيني
ويوم جيت ابى اطفى لقيت الطفايه مليانه مافيها منسم وطفيت سجارتي برغم اني حصلت زحمه في الطفايه ...
قلت مالك الا تدور كيس والا أي شئ ..واروح للمطبخ والاقي سلة مهملات ( وانتو بكرامه)
والاقي جبنها قرطاس فاضي واحط كل اللي في الطفايه في الكيس وانضف الطفايه وافرغ الطفايه في الزباله
( وانتم بكرامه )>> يسمع بالاحترام والتقدير
طبعاً شفتو كيف توني مطفي ...وارجع عند النت واغوص في موضوع كنت ناوي اسدحه بس ماكتمل نصابه
وما كملت خمس دقائق وانا منسجم ادور على حرف الذال ( الله يقطع اللي صنعو الكبيورد
ما يقّدرون انا نتعب واحنا ندوره دايم)>>> مــرضعتة سودانيه
الا واشم ريحه حريق ..قلت يكون ريحة الجهاز عشان له كم يوم شغال >> >والله من الدلاخه
وكملت شغلى ولا همني ....ويوم جتني الريحه بقوة كنها من القلب واقمــز ( انقز = انط= اطمر = شئ زي كذا )
المهم واتجول داخل البيت وماد خشمي( انـــفي) تقول اني شفاط نمل واشم انواع روائح الحريق ولادرى وش السالفه ..حسيت وقتها اني
في حوسه وبغيت ادق على المطافي بس خفت يدلون بيتنا وياخذون عليه
قلت مالك الا هيفا >> داخله في الموضوع بالغلط عــدوها
المهم بعد البحث والتحرى وشوف ذاك الدخان اللي نابع من المطبخ ومسوي ضباب ..وفي سلة المهملات
وانواع النيران شابه فيها واخذ السله واحذفها ( = اذبها = اجدعها = انطلها = رماها) في مغسلة
المواعين (الصحون) وولـــعت المويه >>>>>> قوية ولعت المويه ...اقصد شغلت المويه

ولا قعدت شوي انظف الا وجارنا يطق الباب ..فتحت له ،.
قال : فيه ريحة واصله اخر الشارع ..عسى مهيب من بيتكم ؟
قلت: لا من قال ولا ريحه ولاشئ
قال: اشوى خفت يكون عشان اهلك مهوب هنا مسافرين وانت طلعت من البيت وصار التماس والا شئ
قلت: لا الحمد لله كل شئ في البيت سليم ولا فيه شئ ...يكون الريحه جايه من العمارة اللى ساكنين
فيها هنود في الشارع الثاني !!
قال: ان شاء الله ..وراح !

شفتو يا اخوان كيف ؟؟ جمره صغنونه بغت تخلى البيت رماد ....وكيف هالتتن اللى احنا نمصمصه كل يوم
يعي مثلاً لوقلنا : 20 سقاره باليوم (بكت) ...فاضرب 20x 1 >>> يسمع بالحساب شفتو وشلون صدوركم تصير ..وفيه مثل بيقول لا تلعب
بالنار تروح وطي >> بالقوة طلع معه المثل


الله يعافينا ولا يبتليكم ولا يبتلي مسلم ....وانتبهو لحالكم واحسنو الضن في عزوبيتكم ولا تخبقو ولا تسكنو تحت مطعم ..
فياكثر اللى مرميين في السجون ..عفواً اقصد المستشفيات من كثر التسمم >>> قطعو قلبه لعزاب

ايه وقبل لا اروح ...شوفو انا بطلت التدخين
بس هي فترة كنت شارد الذهن ومنسم والحمد لله
تعالجت وسديت التنسيم >>> ماخذ رقعة بنشري

.