بسم الله الرحمن الرحيم


هذه قصة قد نرها فى الافلام او المسلسلات ولكن هل يتوقع اى شخص ان تحدث له فى الحقيقة بالطبع لا ولكن ما حدث لى هو ذلك فكان بالنسبة لى اغرب من الخيال وانى لا اتوقعه فهل جميع الاعضاء تتذكر قصتى المؤلمة السابقة التى كتبتها من فترة مع حب عمرى التى ضحت بنفسها ومات من اجل حبها لى بدون اى ذنب وانى قد اخذت عهد على نفسى بانى لم اتزوج او احب اى فتاة اخرى مهما كانت ولكن ما هذا غريب طبعا ولكن هو ترتيب القدر وقدرة الخالق سبحانه وتعالى التى تفوق قدرة اى شخص فى الوجود مهما كان فتعالوا ايه الاعضاء الكرام نسرد تلك القصة فى السطور القادمة.


لعبة القدر:


طبعا فى البداية نقول ان كل انسان له نصيب مكتوب على جبينه منذ ساعة مولده اى وهو جنين فى بطن امه لسه المهم فى يوم ولكن انا اعتبر هذا اليوم غير اى يوم مر على فى حياتى كلها حيث كانت عقارب الساعة تشير الى الساعة 8 صباحا وبالتحديد يوم الاربعاء حيث كنت انا استعد للذهاب الى عملى مثل كل يوم وقبل ان اضع يدى على مقبض باب الشقة لفتحه فاذا بى اسمع صوت ياتى من على باب المصعد اذ بفتاة تصرخ وتقول لالا والنبى والنبى وهنا وجدت نفسى اسرع بفتح باب الشقة واذ بى اراى جارتنا التى تقطن فى الشقة التى امامنا وطبعا يوجد فى هذه اللحظة انسان او نقدر نقول ذئب بشرى مثل باقى الذئاب البشرية على وجه الارض اذ بيه زبال البرج الذى يقوم بجمع الزبالة من جميع الابراج يمسك بالفتاة ذات ال 25 عاما بقسوة ويحاول يكتم انفسها كى لا تستغيث باحد ويسحبها الى سلم الطوارى كى يقوم بتنفيذ رغبة الشيطانية ويقوم باغتصابها وطبعا الفتاة لا استطيع ان احكى عنها فهى تملك قدر عالى من الجمال فكما هو معروف عن جمال الفتيات العرب لانها فتاة لبنانية المهم وجدت نفسى هنا اسرع بامساك الذئب البشرى وهو ممسك بذراع الفتاة ويحاول سبحها الا انى استطعت تخلصيها منه وانقذها من ابشع جريمة قد تتعرض لها اى فتاة او بنت على سطح الارض وفى اثناء ذلك اذ بالذئب البشرى يخرج من طيات ملابسه مطواة ويوقم بطعنى فى كف يدى ويدفعنى على الفتاة لكى يهرب ولكن القدر لم يمهله اى فرصة حيث تجمع باقى الجيران على صراخ الفتاة واستطعوا اللحاق بالذئب البشرى وقوم بضربه حتى توقعت انه قد مات من كثرة ما حدث له وطبعا انا كنت ماسك كفى يدى واحاول اكتم الدم الذى ينذف منها وهنا كانت الفتاة تقول يا جماعة حد يلحق يشوفه ده بينذف لازم يروح مستشفى وانا قلت لهم لا ديه حاجة بسيطة ما حدش يقلق ما فيش حاجة وطبعا الناس كانوا فى لخمة مع الذئب وهنا اللحظة لم كنت اتوقعها فاذا بالفتاة تاخذنى الى الداخل وتاتى بشاش وقطن وتحاول توقف الدم الذى ينذف منى وطبعا انا لا استطيع ان اصف حالتى فى هذه اللحظة وفى النهاية اخذت تشكرنى على انقاذى لها من تلك الذئب البشرى الذى كان يريد ان يفترسها المهم مر اليوم وطبعا انا رجعت الى شقتى مرة اخرى ولا تفارق صورة الفتاة خيالى ولا صوتها وهنا ناتى للجزء الاخر وهو.


بداية تحريك مشاعر قلبى :

وهنا قد يكون مر على الحكاية ديه حاولى اسبوع واذا بالفتاة تترك باب الشقة كى تطمئن عليا ففتحت والدتى الباب ووجدت الفتاة تقول فى لهفة كيفه هو الان شو بيصير حاله انا بجد حاسة انى السبب فيما حدث له فقالت لها والدتى لا يا بنتى انتى ذنبك ايه احنا برضو عندنا بنت زايك هو بخير والحمد الله وطبعا انا كنت استمع الى الحديث بين الفتاة ووالدتى وكانت فى غاية السعادة حيث بدات اشعر بان قلب الفتاة بدا يخفق لى هنا هتقولوا طيب وانت عرفت من فين انها بتحبك مهو ممكن يكون مجرد شعور بعطف وحنان لشهمتك معها وانا هجاوب هنا ممكن يكون كلامكوا صح بس ده لو كان حدث مرة واحدة المهم ان اللى حدث بعد كدة ان الفتاة فعلا بدات مشاعرها وقلبها يخفق لى بالحب فكانت دائما تحرص بان تنزلى فى نفسى موعدى الذى انزل فيه او كانت تقوم بفتح باب شقتها لما تسمع انى بفتح الباب ونازل الى عملى حيث بدات تبادلنى بابتسامة رقيقة كل لما ترانى وتقول لى شو اخبارك اليوم وانا اقول لها تماما انتى عاملة ايه تقول ايه ماشى الحال يعنى بدات هنا اشعر انها بدات تميل لى فعلا وخطوة بخطوة فى يوم طلبت منى رقم الموبايل الخاص بى وطبعا انا فهمت ليه هى طلبت رقم الموبايل بس طبعا مع حياء الانثى فقالت لى انا سمعت من البواب انك بتركب دش وتصلح الكمبيوتر صح فقلت لها ايوة فعلا فقالت لى اصل انا عندى الدش بيشتغل شويا وبعدين بيفصل فكنت بس عاوزة رقم الموبايل علشان ابقى اتصل بيك لما تكون فاضى علشان تشوفه فقلت لها اه عادى ما فيش مشكلة واعطها رقم الموبايل وهى كمان بعد كام يوم لقيتها بتقول لى طيب ده رقم موبايلى ممكن خزنه عندك علشان لما تصل بيك وطبعا انا كنت فاهم من نظرتها ماذا تقصد حيث كنت اشعر بدقات قلبها وانفاسها التى تعبر عن الحب بس طبعا مع خجل البنت المعروف كانت لا تسطيع ان تقولها مباشرتنا المهم مرت الايام والاسابيع حتى قالت لى فى يوم لما قابلتها على المصعد قالت لى انا عاوزة اسئلك على حاجة فقلت لها خير قالت لى خير انا بس كنت هسئلك انت مرتبط ولا لا وهنا مع فرحتى وفهمت قصد الفتاة الا انى صمت ولا انطق باى كلمة طيب هتسئلوا ليه سكت هقول لكم هنا اكون تذكرت حب عمرى التى ضحت بنفسها وتحدت اهلها من اجلى وماتت فى سبيل الدفاع عن حبها الصادق لى وفى تلك اللحظات وجدت الفتاة تنظر لى وتقول ايه شو بيك ليه ساكت فقلت لها لا ابدا انا كنت مرتبط فعلا بس هى ماتت منذ عدة شهور وهنا صمت الفتاة لمدة ثانية وقالت ليه اووه انا اسفة فقلت لها لا عادى ولا يهمك وانا برضو سئلتها طبعا علشان اطمن فقط انتى مرتبطة قالت لا فقلت لها انا اسف بس انتى عارفة ان اول حب صعب يتنسى بسهولة فقالت طبعا ومر اليوم وانا بين نارين
ياترى اكمل فرحتى واقول للفتاة انى عاوز ارتبط بيها واخون عهدى مع حب عمرى الاول؟
اما انى ارفض واقتل فرحتى واصون عهدى مع حب عمرى التى ماتت وتركتنى فى الدنيا وحيد؟
وفى اليوم التالى وانا استعد للذهاب الى عملى وفتحت باب الشقة وذهبت الى المصعد انتظره وجدت الفتاة تفتح باب شقتها وتخرج وتقول لى صباح الخير شو اخبارك اليوم قلت لها تمام فقالت لى انا عاوز اقولك حاجة قلت لها خير قالت لى انا هسافر لمدة اسبوع قلت لها اه توصلى بالسلامة انشاء الله قالت ربنا يخليك بس انا برضو عاوز اعرف منك حاجة قلت لها خير اسئلى قالت انا حاسة انك معجب بى وانا كمان هكون صريحة معاك انا معجبة بيك ايضا فقلت لها ايوة انا فعلا معجب بيكى وعارف انك بتبدلينى نفس الشعور فقالت لى طيب انت بتحبنى صح ولا هو مجرد اعجاب بس فقلت لها لا بحبك فقالت لى يعنى عاوز نكون لبعض ولا عاوز مجرد صداقة بس فقلت لها لا الحب المفروض بيكون بين الطرفين مش بيكون من طرف واحد فانت بتحبنى كمان ولا انتى بس مجرد اعجاب فضحكت فى حجل وقالت لى لا بحبك مش اعجاب بس انا هسافر فلو كدة عاوزة اعرف رايك علشان طبعا هقول لبابا على كل شئ وهنا كنت ايضا فى حيرة من امرى .
ماذا افعل هل انسى حبيبة قلبى التى ضحت واخلصت لى حتى اخر لحظة فى حياتها؟
هل اكمل فرحتى واتزوج من حبى الذى جمعنى بى القدر بعد فراق الحب الاول؟
ولكن تذكرت قول الرحمن (وعسى ان تكرهوا شيئا وهو خير لكم وعسى ان تحبى شيئا وهو شر لكم والله يعلم وانتم لا تعلمون)
فقالت لى الفتاة عموما خذ وقتك وفكر خال الاسبوع ولما ارجع ابقى قول لى ايه رايك انا مش عاوزة اضغط عليك ولا اتسبب لك فى احراج فقلت لها اوكى ولما ترجعى بالسلامة انشاء الله هقول لك انا وصلت لفين وايه هو قرارى النهائى.
ومر يومين على سفر الفتاة وانا فى حيرة ولا عارف اوصل الى اى قرار ماذا افعل ماذا افعل؟؟
وانا فى اثناء تفكيرى دق هاتفى المحمول واذا بالفتاة تقول لى انا رجعت امبارح فى الفجر بس معلش معرفتش اتصل بيك لانى كنت تعبانة من السفر بس المهم انت وحشتنى وعاوزة اشوفك وطبعا انا هذه الكلامات كانت فى قلبى واذنى تذكرنى بحب عمرى اللى ضاعت منى واخذها منى هادم اللذات ومفرق الجماعات لدرجة انى بكيت وانا اتذكر حبيبة قلبى ولكن كنت احاول ان الفتاة لا تشعرى بانى ابكى طبعا كان فى نفسى او داخلى وليس بكاء بصوت فقلت لها اوك هقابلك امتى قالت لى انت فاضى امتى قلت لها لو النهادرة على الساعة 7 مساءا كدة قالت لى اوك هتجى عندى قلت لها لا مش هينفع علشان الناس فقالت لى هو فى حد شايف كل واحد قافل بابه عليه فقلت لها لا برضو معلش فقالت لى وانت خايف ليه مهو انت هتجيب اختك معاك ومامتك فقلت لها هما مش هيوفق طبعا فقالت لى ليه هما مش عارفين الموضوع قلت لها اه فقالت لى خلاص تعالى انت لوحدك وعموما كدة كدة ماما برضو موجودة معى مش تخاف مش هكون لوحدى مش تقلق وده طبعا بيخليك تكبر فى نظرى اكتر لخوفك على سمعتى وسط الناس والجيران فقلت لها لا ابدا بس انا بحب كل شئ يكون فى النور فقالت لى خلاص هتيجى الساعة 7 النهادرة نتكلم شويا قلت لها اوكى خلاص ماشى وفعلا ذهبت لها وطبعا انا فى غاية الالم والحسرة لانى حاسس انى بخون عهدى مع حبيبة الوحيدة التى حبتها من كل قلبى المهم كى لا اطيل عليكم تكلمنا سويا مع بعض وايضا وجدت ان ووالدتها مرحب بى ومعجبة بموقفى مع ابنتها فقالت لى الفتاة بابا جاى يوم السبت وعلى فكرة هو عنده علم بى اللى انت عاملته معى وهومعجب بيك جدا من كلامى عليك معه وقال فعلا هو شاب محترم وهو ده الشاب اللى انا هكون مطمن عليكى معه طبعا انا مش عارف اصف لكم شعورى فى الوقت ده كان عامل ايه وهنا ناتى للجزء الاخير فى القصة وهو.


اللحظة الحاسمة:

هل هنا ينتصر الحب والعهد القديم على الحب الذى جمعنى بيه القدر اما ارفض الحب الجديد واستمر على عهدى المهم تعالوا نتناول الجزء فى عدة سطور بسيطة حتى لا تطول القصة وتكون مملة بالنسبة لكم
وهنا جاء يوم السبت فعلا وجاء والد الفتاة واذا بها تدق على هاتفى المحمول وتقول لى نفس كلامات الحب السابقة وحشتنى وشو اخبارك هل فى اشوفك شويا لان بابا جه وعاوز يشوفك علشان يتشكرك على موقفك معى اول شئ وبعدين يتكلم معك فى موضوعنا بس انا حاسة برضو انك لسة مش عارف تاخذ قرار ومحتار فى التفكير عموما ما تقلقش وطبعا هنا انا كان عقلى كاد ان يطير من رأسى ماذا افعل يارب ساعدنى اعمل ايه المهم ذهبت الى والدها وتقابلت معه وشرحت له ظروفى كاملة وطبعا انتوا حاضرتكم عارفين ان الشباب مش لاقى شغل ولو فى بيكون مؤقت لمدة معينة وهو ده كان نظام شغلى فعلا مؤقت وطبعا انا فى داخلى كنت اتوقع بعد ذلك ان والد الفتاة هيرفض وهيقول لها طبعا لا زاى ماحدث معى مع حبى الاول الا انها كانت هنا المفاجاءة التى لم يتوقعها اى شخص فى ظروفى هذه اذ بعد انتهى المقابلة مع والد الفتاة بيومين وجدتها تتصل بى على الموبايل وتقول لى على فكرة بابا موافق ومش رافضك خالص ومش عنده مانع ان نبدا مشوار حياتنا سوى طبعا يا جماعة انا هنا كنت سعيد جدا بهذه الكلمات الا ان قلبى كان يتمزق وكنت اتمنى لو حدث ذلك مع حبيبة قلبى التى اخذها منى القدر ولكن هقول ايه غير انه كل واحد بياخذ نصيبه المقدر له المهم ظلت حيرتى مشتعلة فى قلبى وكنت افكر كدة خلاص بالنسبة لاهل البنت ما فيش خوف منهم ولا البنت نفسها وكمان لو قلت لاهلى مش هيرفضوا بالعكس هيفرحوا بى جدا لكن كان قلبى يرفض هذا الحب وكنت افكر وهنا تاتى مجموعة اسئلة
هل لو انا تزوجت البنت ديه فعلا هقدر اسعدها فى حياتى وهى هتقدر تنسى حب عمرى؟
هل هكون انا سعيد معها وهستطيع ان اعطيها الحب التى تريده؟
وهل لو تزوجت يبقى انا خونة عهدى الذى قطعته على نفسى وكدة اصبحت لانسانة اخرى؟
فظلت هذه الاسئلة تدور بداخلى كل يوم ولم اذق طعم النوم او الراحة من كل التفكير حتى جاء اليوم الحاسم واخذت قرارى النهائى بعد ان هدانى الله له وتوكلت على الله وعظمت الامر وقررت بانى تعقدوا هنا ماذا اخذت من قرار ولو منك احد فى موقفى هذا ماذا كان يفعل عموما مش هطول وهجيب من الاخر علشانى عارف انى اطلت عليكم القصة جدا وهنا .


القرار النهائى لقصة الحب:
وهو انى قررت بان اتخلى عن الحب الجديد واتركه تماما وانى اخلص للعهدى الذى قطعته على نفسى من الاول مع حبيبت عمرى التى ماتت فى سيبل هذا الحب وانا اعيش على ذكرها مادى الحياة وباقى عمرى حتى تاتى لحظة الموت التى تنتظرنى كى اجتمع بيها فى الاخرة وهنا يبقى اسئلة ارجو الاجابة منكم عليهم
هل كدة انا اخذت قرار صح بتركى الحب الجديد وترك الزواج والاستقرار الذى يكون هو سنة الحياة اما اخطئت؟
هل كدة انا دمرت قلب ومشاعر فتاة اخرى وتسببت لها فى حرج مع اهلها ونزلت من نظر اهلها والناس ام هذا القرار كان صح ؟
وهل فى انسان يستطيع ان يقتل الحب بهذه الصورة لكى يعيش على ذكرى انسان فارق الحياة ويكن له كل هذا الحب اذا كان ذلك الشخص يستحق فعلا هذا الحب؟

فى النهاية ارجو ان اكون وضحت للجميع مادى معانتى التى اعيشها وكيف تمر عليا الحياة كل يوم واعذرونى على الاطالة فى سرد القصة