حسااااااااااااااافه

مساكم شعر.....

حسافه ماتوقعت المحبه تنتهي بلحظات
ولا ظنيت ان الحب نهاياته حزن و هموم


تهنينا بغلانا والمحبه كلها لذات
ومن زود الغلا ننسى نحسب ان الغلا بيدوم


بدينا بالتعارف من بعيد ومن ورى الغايات
عرفنا بعضنا عن قرب وصار الحلم فينا علوم


تبادينا الشعور اللي نوينا يصير بلا نهايات
نبيه يصير طول العمر على طوله يشابه يوم


نحس ابعضنا من دون ماوحد يجيب اثبات
احدنا لاسال يلقى جواب الثاني له ملزوم
امانيناتروح بعيد وترجع لمنا بفرحات
تخلي صعبنا اسهل باحلام الهوى المقسوم


تنسينا اللي راح ونحسب ان الماضي فينا مات
ولا ندري بان اللي يحب من صاحبه محروم


وعقبه تصبح الضحكه دموع وغم مع اهات
ولا يبقى من الافراح سوى تكرار كثر اللوم


عقب همس القوافي والكلام اللي به الضحكات
ولعب بيننا من دون لا هازم ولا مهزوم


واحلام الهوى اللي فيه نمشي ونرفع الرايات
ونركض مثل اطفالا تعبهم اخره للنوم


سهينا او تساهينا وحنا نجهل الجايات
ولا ظنينا ان الوقت يملك بالخوافي سهوم


تجمعنا وتفرقنا واخر حبنا حسرات
على حب مثل بحر غرق به من يجيد العوم


دمتم بود