القمر من عقب غيبتك يصبح به خسـوف=بس لاترحل دموعي مـن الفرقـا تسيـح

السلام عليكم ورحمة الله وبركاته اسعد الله مساءكم بكل خير..اتمنى ان تنال هذه القصيدة استحسانكم ولكم خالص الود.
[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
ليلةٍ فيها التقينـا مـع حلـو الوصـوف=الغزال اللـي ملكنـي وخلانـي طريـح
كاملٍ بالزين تشتاق له عينـي تشـوف=ليت حلو الوصف يرفق على القلب الجريح
غالية عندي تـرى يامخضبـة الكفـوف=قلبك ان كانه رضى اتركيني فيـه اطيـح
ليتها يانـور عيني توافقنـا الظـروف=لجل ابيّح لـك بسـرٍ كتمتـه واستريــح
القمر من عقب غيبتك يصبح به خسـوف=بس لاترحل دموعي مـن الفرقـا تسيـح
في حياتي شمس حبي عليهـا جاكسـوف=واعذاب القلب من شوفـة القلـب المليـح
يامناي ان كان قلبك على قلبـي عطـوف=الـدوا هاتيـه للـي تكلـم بالصحـيـح
درةٍ مكنونـةٍ غاليـه وسـط الصـدوف=ليتها ترفق علـى اللـي لدمـه تستبيـح
البلا من بسمـةٍ ناعمـه بيـن الشفـوف=رابح اللي نالها منـك يالوجـه السميـح
خوفي الله في حبيبٍ يودك لـك ولـوف=واعذاب القلب كان الغضي يصبح شحيـح
ليت مملوح الوصايف بمحبوبـه يـروف=حالتي لو شافها الزين مخطـورٍ يصيـح[/poem]