× مسجات ×

الســلام عليكم


لا تحسب اني إذا ابطيت ناسيك
ما ينسى عشرة صاحبه غير الانذال
حدتني ظروفي على البعد لا اجيك
هم بوسط القلب و الدمع همال
و إلا انت يا كل الغلا افتخر فيك
غلاك سكن داخل قلبي ولا زال



الله من ليل سهرته لحالي
يوم السماء غيمه يغطي نجومه
نامت عيون اللي من الهم خالي
ماهو بمثلي يحترق في همومه
هم يهدم نايفات الجبالي
و الليل طول و ازعجتني حلومه
ما يسهر إلا من فقد شوف غالي
يرعى خياله طول ليله و يومه



جتني على طاريك عذبات الأبيات
ذكراك ساقت لي جميع القوافي
لك قلب له مع الطيب وقفات
وبين الضلوع الحانية قلب صافي
لامن ذكرتك والليالي القديمات
فزيت من نومي لو كنت غافي



رسالتي تذكار يا أغلى المحبين
عبيرها نفح الوفا والمودة
تثبتلك إن الغلا ما بيننا للحين
باقي ودوم أشواقنا مستجدة
ماهي مقامك وأنت محفوظ بالعين
لكنها تذكار للي أوده



لا من سهيت القلب يخفق بذكراك
والوقت يمضي بالمحبة إجباري
ابعث لي المرسول لا ترد يمناك
وارضي خفوقـ (ن) بالمعزة يداري
لا تحسبني لا مضى الوقت بنساك
حبك وسط قلبي مسبب طواري



الطيب بحر ساحله ماله حدود
قاعه عميق ومتعب كل غطاس
والجود ظل في قفا الشمس ممدود
ماينعرف حده ومعناه ينقاس
ومن يجمع الثنتين لاشك محسود
وأنا أشهد انك جامع در وألماس



تبي الصحيح
الوقت شانت مزاياه
يبعدك عن حي تعزه وتغليه
وتبي الصحيح
الصدق ماعاد تلقاه
ولا عاد تلقالك صدوق تخاويه
وتبي الصحيح
بدون كذب ومرائاة
أفخر بمن مثلك صدوق أماشيه



الله يجيبه الغايب اللي سولفت عنه الاقلام
راح وترك له بالمعاليق صوره
هو مادرى انه بالحشا من كذا عام
يبني على ساس المحبه قصوره
الله يجيبه دام باقي لي احلام
وألمس وجوده وانسعد في حضوره


تحياتي ..